الفيس بوك (FaceBook) .. هل هو سقطة مصرية جديدة ؟ ام موضة تدعو الى التحرر ؟ ( للولاد فقط )
3 مشترك
كاتب الموضوع
رسالة
البرنس
موضوع: الفيس بوك (FaceBook) .. هل هو سقطة مصرية جديدة ؟ ام موضة تدعو الى التحرر ؟ ( للولاد فقط ) الأربعاء 30 سبتمبر 2009 - 13:55
السلام عليكم ورحمة الله وبركاته .. ازيكم جميعا ؟ اخباركم ايه ؟ اتمنى انكم تكونوا بخير كل سنه وانتوا طيبين ويمكن جت متأخرة شوية يمكن من شهور طويلة اوي منزلتش بأي مقال من كتاباتي .. بس الموضوع استفزني بجد عنوان النهاردة
هل هوا سقطة مصرية جديدة .؟ ام موضه تدعو الى التحرر ؟ يمكن العنوان غريب شوية ويمكن محدش فاهم حاجة ويمكن ناس كتير بتقول ايه الهبل اللى هوا بيقوله ده ؟ الراجل ده اتجنن ولا ايه ؟ ماله الفيس بوك ؟ ماهو حلو وزي الفل
طب انت عمال تقول الفيس بوك سقطة سقطة وجعتلنا دماغنا ياعم هوا في ايه ولا انت عاوز تتكلم عن ايه بالظبط ؟ انا الموضوع النهاردة مش عن الفيس بوك بشكل عام او عن برمجة او ادارة او اعضاء انا كلامي عن بنات الفيس بوك وتحديدا بنات مصر ع الفيس بوك وبمعنى اخر ؟ انهى منطق يخلي الاب يسمح لبنته بتواجدها ع الفيس بوك ؟ بمعنى اخر ؟ انهى منطق يخلي الاب يسمح لبنته بالتواجد ع الفيس بوك فى ظل وجود كم ولاد من الفريندس ؟ بمعنى اخر انهى منطق يخلي الاب يسمح لبنته بأنها تحط صورها على الفيس بوك ؟ بمنطق اكبر شوية .. اي عاادات مصرية بتسمح بالمهازل اللى بتحصل ؟ بمنطق اكبر شوية كمان .. اي دين يسمح للبنت اللى هي بتعمله على الفيس بوك ؟
ايه ياعم ده كل دي اسئلة ؟ صدعتنا ماتدخل ف الموضوع بقى وتخلصنا علشان برضه مش فاهمين حاجة .. انت بتقول ايه ياعم ؟ ماحنا اخواتنا بيفتحوا الفيس ؟ هل انت كدة بتغلط ف اخواتنا ؟ احنا عاوزين نحذف الموضوع ده بقى
لأ انا مقدرش اغلط خالص ولا حتى افتح بوقي انا كلامي موجه للبنات اللى مقضينها ع الفيس واعتقد كلكم فاهمين كلامي :] ويمكن ناس هتزعل مني بس انا اتعودت دايما ان الحق ميزعلش واللى شايف ان الموضوع مزعله (باعتبار اني صح) يقفل الصفحة وكأنه مشافش حاجة وبرضه عادي فى ناس بتقعد ع الفيس بوك باحترامها وبتستخدمه فى الغرض الصح يعني كل حاجة زي ما ليها اجابيات ليها سلبيات برضه
انا مش عارف اتكلم اقول ايه ولا اكتب ايه بس الدنيا بقت غير الدنيا والحياة بقت غير الحياة ازاى البنت تبقى على الفيس بوك وعمالة تكلم ولاد وفرحانه ويتقال عليها محترمه ؟ هي بتشوف ان ده نت وعادي وكدة ومتعرفش ان دي سمعة برضه حاجة غريبه بجد والاب عادي واثق في بنته انها مبتعملش حاجة غلط واهو برضه بنت تسمعلها كلمة من ولد هنا ترضي غرورها وكلمه من هنا وكلمه من هنا اهو ده الطبع دايما يعني مش جديد
انا الفترة الاخيرة تواجدت بالفيس بوك علشان كنت عاوز اثبت لنفسي حاجة وأثبتها ازاي البنت بتفضل تسيب كومنتات لولاد وتضحك وتهزر عادي كدة ؟ هوا مش الولد ده هوا نفسه نفسه اللى ممكن يشوفها فى الشارع او ف الجامعه ؟ ازاى بتقبل الاضافات عادي كدة من ولاد متعرفهمش وتقبل تتعرف عليهم ؟ ؟ ازاى لما حد يبعتلها انا سعيد انى اتعرفت عليكي وممكن ايميلك تديله ايميلها كدة ؟ وفجأة تلاقي ايميلها مش عليه الا بنتين تلاته و الباقي كله ولاد :] والاب قاعد ف بيته زي الاسد فرحان بنفسه وببناته وانه مربيهم كويس واهو برضه البنات لسه صغيرين عادي يعني مفيهاش حاجة لما يعملوا كدة وفجأة الرقم على الموبيل وهوب مقابلة فى اتنين ف الجامعه و عن تجربه ^_^
على فكرة كلامي ده منطبق على نسبة كبيرة من بنات الفيس بوك واللى في منهم ناس محترمة اوى واعرفهم بس متفهمش واخدين الحياة بيس ليه كدة
وده كله كوم بقى وانها تحط صورتها كوم تاني .. هوا عادي كدة ؟ ؟ المشكلة ان كل بنت دلوقتي عاوزة تبقى فى الصورة على الفيس بوك وبتحاول تعمل اي حاجة تلفت بيها نظر الولاد وخلاص ومعادش في مبادئ ولا اخلاق ولا اي حاجة وف الاخر بيتجوزوا :] طب ايه المشكلة بقى لما يقضوها كدة ماهم كدة كدة بيتجوزوا
بجد ياجماعه هوا انا اللى غلط ولا انا اللى صح ؟ ولا انا اللى متشدد شوية ولا انا اللى دماغي قديمة شوية ولا في ايه بالظبط ؟ ؟ ماهو البنت دلوقتي بتخرج وتلبس وتعمل اللى هي عايزاه وتبقى اول واحده بتتجوز طب فيها ايه بقى
هوا مفيش سمعة للبنت على النت ؟ ولا هما مبيعترفوش بيها ؟ ولا هما عاملين مش واخدين بالهم ؟ هوا في ايه بالظبط ؟
لأ وتلاقي البنت حاطة صورها ف البروفايل بتاعها عادي كدة ومسموح للكل يشوفها والمشكلة الاكبر بيبقى معاها صحابها ف الصورة وممكن تظلم حد منهم انهي منطق وانهي دين وانهي عادات وانهي كل حاجة تسمح بده ؟ هوا في اي جماعه انا مش عارف العيب في مين
انا واحد من الناس اللى كارها خلفة البنات واللى متوقع يانا هقتلها يا هي هتقتلني ده ناتج لأني مقبلش اكون ف سريري وبنتي بتتكلم ف قوضتها ف الموبيل مع ولد وبرضه التربية معدتش ليها علاقة بالموضوع لأن كل البنات اللى بنكلمهم متربيين بدليل بيبقى الاهل محترمين جدا والبنت محجبة ولبسها كويس ومحترمة بس كلمت ولد او ولاد انا واحد من الناس اللى مبتقبلش بالكلام ده غيري بيقبل كتير اوى بس الموضوع بقى مستفز جدا وحرق دمي دلوقتي اهو
موضوع: الفيس بوك (FaceBook) .. هل هو سقطة مصرية جديدة ؟ ام موضة تدعو الى التحرر ؟ ( للولاد فقط ) 
الأربعاء 30 سبتمبر 2009 - 13:55
واعتقد كلكم فاهمين كلامي :] ويمكن ناس هتزعل مني بس انا اتعودت دايما ان الحق ميزعلش 
